كتاب عكس اتجاه الحلم

أجيب لك ايه وانا راجع ؟ والعمر الباقي اللي فاضلي مفضلش كتير ومراكب شمسي بتندهلي إني اسافر من غير تفكير والبكا في عيونك بيراجع خفقان القلب ياخدني وأطير واتحدي الدمعة اما تجيني وأسجنها ف قلب براح الروح وكأني أسير واقطف م السما جوّه عيونك ضليلة تغطي فراغ الكون تزرع بركان جوايا كبير غمضي ف عيونك واتمني أرجع لك هازم درب العشق اللي كاويني واكتبلك كل قصايد قيس اللي ف ليلى وبحور الشعر الغرقانة علي ضفة نيل مش لاقيه وريث وبلاش تحكي لي انك عاشقة وانا شايفك ف البعد مفارقة ودموعك تشتي ومش فارقة والنار جوايا تقيد فوانيس اوزوريس اتعلم من حزني يحلم كوابيس .. يغزل ف شراع مركب حورس وبدفة نوح اللي حاضنها يقتل ابليس ارجع لك بس ازاي شايل ف طوفان أوجاعي اللي اتحفرت
هالة المهدي - ❰ لها مجموعة من الإنجازات والمؤلفات أبرزها ❞ اون سفر الشمس ❝ ❞ عكس اتجاه الحلم ❝ ❞ شكة إبرة ❝ الناشرين : ❞ ديوان العرب للنشر و التوزيع ❝ ❱
من شعر عامية مصرية الشعر العربى - مكتبة كتب الأدب.